Ferierückblick Thailand

Hallo Zäme

Do mir hüt no soviel Ziit händ und nüt me undernähme hani dänkt machi do de Rückblick vo eusne
Ferie.

Wil dehei hät  eus de Alltag allwäg gli wieder;)))
Uspacke, Wäsche,Ichaufe und ..... zack scho isch Wiehnachte.


Zum 1. Mol sind de Dani sit mir zäme sind 20 Tag unterwegs gsi.

Mir händ megaaa viel erläbt.
Sehr schöni Landschafte gseh,Sache wo mir no nie gseh händ , schöni Tempel , megaaaa nätti Lüt , armi Lüt wo eim ALLES würde gä.

Sehr idrücklich, uf de andere Site hämmer au d Kehrsite gseh, die Armuet , de Abfall , de Dräck und was für mi sehr schlimm gsi isch , sind die gschmäcker oder besser gseit gstänker gsi;)))))

Die Truur ume König im ganze Land isch au sehr speziell..

In Bangkok , e riiiese Stadt .
Die Stromkäbel ,ich ha so öppis no nie gseh,denn aber im Hotel wieder de Luxus und die Top Ussicht im 20. Stock über Bankok bi 30° z Nacht isch eifach scho genial gsi.

Mir händ au Thai glehrt;))))))

Danke, eso säges d Fraue     Kap Khun Kaaaaaaaa

Danke ,eso säges d Manne    Kap khun kap   :)))))

E spannendi Erfahrig isch au gsi, dass mir ,mit Händ und Füess eus immer händ chönne dureschloh.

Wem ich do aber würklich MUESS DANKE säge isch dr Toi.
Ohni sie wäre mir ässenstechnisch no viel schlimmer dra gsi;)))))

Sie hät eus chönne berote und hät mit nur 1 Chilli , ohni Fleisch ,ohni Fisch  chönne bstelle .
Perfekt;)))))

Suscht hämmer eus mit de Fressalie wo mir vo dehei mit gno händ , Bieber , Spitzbuebe , Chips,Snikers,Brezeli , Farmerriegel guet chönne über Wasser halte.


In Phuket hät mi fascht de Schlag troffe, sooooo viel Lüt und vor allem Prostituierti, die Wält isch sehr speziell gsi.

Euses Hotel isch uf e 1. Blick suuuuper gsi ufe 2. weniger;)))) au dört e sau gstank, s Zimmer hät wie
in Venedig Hoch 10 gschtunke .

S Personal isch megaaa lieb gsi , s ässe isch im Hotel super fein gsi.


Wo d Thai s au megaaaa grosszügig sind , isch bim Fötele.

Ich ha ALLES dörfe Fötele , do isch kei Foti verbot usser bi de Fantasea show.
Sie händ eso Freud wenn me se Fötelet.


In Phuket hani am morge a 6 i fascht e Pannikattake gschobe;)))))

3 Balkön  näb eus hät e Moslem i de höchste Tön afoh singe .
Hani au no NIE live erläbt .
Er hät megaaa lut musig abgloh , dass die ganz Hotel Alag wach gsi isch.
Aber niemerd s getraut sich öppis z säge.

z erscht hani dänkt es sig e bsoffnige (wär mir lieber gsi)

Ich ha richtig angscht gha , ha dänkt hoffentlich macht de nid sis letschte Stossgebät;))))

Zum Glück hani mi ganz fescht a Dani chönne kuschle.


Ko Samui wär glaub scho mega schön gsi, mir händs eifach nid breicht.
Bevor mir cho sind häts e Wuche Monsun und denn 3 Tag schön und wieder Räge gä.

Au dört, z gseh wie sie d'Stränd putze , mit chline Schuffle , sie händ nid emol e räche.
Richtig übelzitig.
Chöme uf kei grüene Zwieg . Kei Stosskarre ,sie fülle de Abfall id Plastiksäck.

Im Hotel hämer e ganz e liebe  Kellner gha, er hät vo dr CH Schoggi gschwärmt ,denn händ mir ihm eusi Snikers und Mars gä.

Er hät verzellt dass er 2 chlini Kind hät. Ha 20 Stei uf e Tisch gleit und gseit er dörf für sini Frau und Kind ussueche.

Er luegt mi mit GROSSE Auge a und seit ob er ALLI dörf ha.
Natürlich.
De Franco hät gseit de hät sini Chance gseh , de werdi die verkaufe damit er echli Bath verdient.
Im Normalfall ünterstützi das nid.
Caillous-auf -Reisen isch e Härzenssach .
Aber under dene arme Umständ, wünsch ich mir dass er mit mine Stei e huffe cha drmit verdiene.

D Überschwemmige sind au mega idrücklich gsi.
Wahnsinn, und es isch eigentlich für die Thai s harmlos gsi.

Spannend a derer Reis isch au , dasss ich MI vonere ganz andere Site kenneglehrt ha.

Ich bi suscht e friedlichi, geduldigi und au e liebi Person.

In Phuket ,händ sie eim immer a gschwätzt, Tuc Tuc , Massage, essen und und und  immer händ sie eim alles wölle verkaufe.

De Dani hät immer fründlich glächlet und gseit No Thank You und ICH??????

Ich bi richtig AGGRESSIV worde , ha nur a Bode gluegt und de Kopf gschüttlet .Ich hät ihne a d Gurgle chönnte gumpe:)))) die händ mi soooo aggresiv gmacht.
Ich hasses wenn me mi sooooo iengt.

Spannend isch au, dasss ich wo suscht alles isst ,do in Thailand viel heikler gsi bi als de Dani.


D Reis uf Thailand isch e tolls Abentüür gsi.
De Franco und Toi händ sich mega müeh gä und eus so viel zeigt.


Au e neui Site a mir ;))) ich ha 20 Tag lang jede Tag Alkohol trunke, Bier ,Pina Colada, Whiskey ,
Underberger ;))))) Ha dänkt ich muess ALLES abtötet.

Ich ha immer gseit ich wölli e Wältreis mache, und hauptsach de Dani isch bi mir.
ICH bi gottefroh gsi dass de Dani drbi gsi isch ,er isch definitiv MI Fels i de Brandig:)))
Aber e Wältreis ,  nei danke ,ha gmerkt dass ich recht hüslich bi.
Bi scho e elende schwanzchratte , aber ich chum immer wieder gärn hei.



Für MI isch klar ,MI bringsch nüm i Oschte usser no uf Östrich ;)))))

Ich freu mi riiiiiiesig uf euses Dehei......
                                                                     ..... uf euses Himmel uf Erde
                                                                     ..... uf euses Paradies
                                                                    ..... uf Obermatt 13 <3<3<3<3<3;))))))

Aber am meischte freu ich mi EUCH ALLI wieder z gseh und i d Arme z näh.
Mir stöhnd jetzt scho d Träne i de Auge scho nur a Gedanke  .


Bis gli gli freu mi
euchi Anki und Dani